föstudagur, október 27, 2006

Æfingabúðir framundan með hinni Léttu sveit. Að Skógum. Geðveik vinna framundan og allir barna og unglingkórarnir í Bústaðakirkju á sunnudaginn. Halli lúða nei ég meina Halelúja.

a presto ef ég lifi það af.

Giovanna

þriðjudagur, október 24, 2006

Það er nú ekki alveg í lagi með mig. Fékk mér kjetsúpu í hádeginu enn á ný, en hún var frumetin á föstudag. Maður er alltaf að líkjast móður sinni betur og betur.. E la vita. En. Satt best að segja var súpan aldrei betri og ég mæli með að setja chili og kardemommur í hana. Ég gerði það amk. Annars skrapp ég í Tumatíma í morgun, maður er alltaf að uppgötva nýtt og nýtt, jafnvel þótt maður sé búinn að vera í bransanum svona lengi og sé alltof sjaldan tekinn upp... En þetta eru orðnir svo vinsælir tímar. Ekki kórstjóri með stjórum nema hann sé hjá Tuma. Og smám saman er jólaprógrammið að fá á sig einhverja mynd. Annars er maður bara að skúra skrúbba og bóna (dream on...) á milli söngstunda. Mikil og krefjandi helgi framundan. Spá í hvort maður nái einhverju dekri áður, eða kannski bara á eftir.

a presto

Giovanna

mánudagur, október 23, 2006

Það er sumsé komið að því að ég þarf að leggjast yfir jólalögin og fara að velja fyrir kórana. Meiraðsegja ætti ég kannski bara að vera löngu búin að þessu. Það er alltof snemmt að fara að æfa jólalögin í lok október, en hvað á að gera þegar allir jólatónleikar eru búnir um miðjan desember? Sumsé. Ætla samt fyrst að hlaupa uppí Elliðárdal áður en jólin steypast yfir mig. Dio mio!

A presto

Giovanna