Jæja góðir hálsar,

Mikið óskaplega er gaman að vera að sjá fyrir endann á öllum jólaæfingunum. Fékk algjört bjartsýniskast eftir Dívuæfinguna í gær hjá Léttunum Bara allt í Kína. Og í dag er lokaæfing fyrir lokaæfinguna og je ég gleymi að fá frí fyrir stelpurnar. Jæja. Drífa bloggið af og hringja svo í skólann. Var að syngja í jarðarför og fer í aðra á morgun. Endalaus söngur og kór. Hér verður ekki þrifið, einungis sópað og þurrkað af borðum og sett í þvottavélar. Allt minimun þar til jólasöngvum er lokið. Bara að hvíla sig og slaka á milli. Það var æðislegt í morgun eftir að ég kom Gumma í skólann, fór ég beint undir sæng og svaf til 11. Lella kom í kaffi og náði mér úr bælinu svo að röddin var vöknuð áður en ég söng í jarðarförinni. Og í dag tvær æfingar og svo bara að slaka fyrir morgundívurnar...

a presto

Giovanna